بلوتوث اسكاليد - يوكن - تاهو
9
1
إضغط هنا للإخفاء
السلام عليكم ورحمة الله وبركاته
اخواني الكرام اسعد الله اوقاتكم بكل خير موضوعنا اليوم عن طريقة تشغيل البلوتوث في السيارات الاستخدام الأمريكي فقط من موديلات ٢٠٠٧ وطالع اللي فيها خاصية اون ستار onstar وازرارة في المراية الوسط
بعض السيارات فيها بلوتوث ولكن حسب ماسمعت انه لموديلات ٢٠٠٩ ومابعده
طبعاً طريقة التفعيل موجودة في اليوتيوب والكثير منا حاول تشغيلها ولكن بدون فايدة وعند البحث أو الاستفسار يقولون لنا فيه قطعة تركبها ويشتغل طيب وش هي القطعة ووين موقعها والله محد اعطنا علم
او يتم تركيب اجهزة بلوتوث خارجية ولكن الغالبية منها سيئة وتعلق وجودة الصوت فيها رديئة او استبدال الشاشة بشاشة صينية وبعد ذا كله يافرحة ماتمت اول واحد تتصل عليه يسألك انت تكلمه من داخل بير
الصورة رقم ٢ هي صورة للقطعة اللي تم استبدالها واشتغل البلوتوث وموقعها تحت الشاشة مباشرة بالنسبة للاسكاليد ويمكن يختلف موقعها في اليوكن والتاهو
السييرا والسلفرادو راكبة خلف الديكور اللي تحت المسجل اللي فيه الطفاية
ومثل منتم شايفين فيها زيادة عن القطعة القديمة مخرج ثالث وراكب فيه هوائي خاص بالبلوتوث وهي تركب على جميع السيارات المذكورة سواء فيها شاشة او مسجل عادي ولكن اهم شي مثل ماسبق وذكرت لكم لابد من توفر نظام اون ستار لأن الاسلاك بتكون موجودة
وتركب على نفس الافياش حق السيارة بدون اي ترهيم او قص وتوصيل
نجي لطريقة التفعيل سبق وذكرت لكم موجودة في اليوتيوب واللي الانجليزي عنده فل كامل مثلي راح يشوفها صعبة شوي ولكن في النهاية راح تشتغل ان شاء الله
فقط احب اضافة ملاحظة بسيطة اللي عنده بسيارته شاشة وفيها خاصية الاوامر الصوتية التفعيل راح يكون عن طريق زر الهاتف في المراية وليس اللي في الطارة الصورة رقم ٤
بخصوص القطعة متوفره في المواقع الامريكية مثل ebay وسعرها تقريباً من ٢٠٠ دولار الى ٢٥٠ دولار غير الشحن ، الجديد سعرها ارخص ولكن تحتاج برمجة لأن الكمبيوتر يجي بدون معلومات فالأفضل مستخدم يجي مبرمج وجاهز
مميزات بلوتوث الوكالة جودة ونقاء في الصوت وعرض للرقم في نفس طبلون السيارة للإتصال أو الاستقبال الرد والانهاء عن طريق ازرار الدركسون والإقتران التلقائي في كل مره يتم تشغيل السيارة
رقم القطعة هو ٢٥٩٨٤٤٤٤ مثل ماهو واضح في الصورة رقم ٣
هذا وصلى الله وسلم على سيدنا محمد
تمنياتي للجميع بالتوفيق
إبلاغ
الردود
1
0
0
0
مساكم الله بالخير
لو سمحة يا صاحب الاعلان
تتواصل معي بحث عن رقمك
بس ماطلع لي شي ياليت تتواصل معي
الله يعطيك العافيه
او اي احد جرب طلب القطعه
انا فكية المسجل وطلع فيه فيش مو موجود
والي هو اول واحد من جهة اليسار لونه رصاصي
فما ادري بضبط هو النقص من الفيش هاذا
او مو ضروري اساسآ انا التوقع ان القطعه الناقصه
هي للبلوتوث AUX.
وبحثة عن القطعه طلعلي قطع امريكا كلها شهر وانا ابحث
وقارن القطع بالفيش الي عندي بس للاسف مهو نفس الشكل
مع انها نفس رقم القطعه الي ابحث عنها احترت والله
فمالي غير الله ثم انتم يفيدوني عن هالبلوتوث او AUX
الي مادري وين مكانه حتي الي ورا المركا ازرار المكيف الخلفي
جربتها بكل مايخطر ع بالك... نهاية الكلام الي عنده حل او جرب
بالله لا يحرمنا من تجربته واسف ع الاطاله
هاذا رقمي
0557408882 اخوكم مشاري الرويلي
دمتم بخير .
0
0
قبل 8 سنه و 7 شهر